Сервер ГАЖ ПАРБ.00049-01 құралы, Сервер ГАЖ-де ашылған растрлық және матрицалық деректерді өзгертуді бақылауды және оларды клиентте синхронды түрде жаңартуды қолдайды. Ортофотожоспарлардың, биіктік матрицаларының және векторлық карталардың жаңа нұсқаларына қолжетімділік, сервер немесе кленттер әкімшісі тарапынан қолмен жасалатын операцияларсыз автоматы түрде ұсынылады. Картаны ашу кезінде карта мен жіктегіштің сәйкестігін тексеру және жіктегішті ауыстыру кезінде карта объектілерін автоматты түрде қайта кодтау қамтамасыз етіледі. Осылайша, клиенттік жұмыс орындарында және қосылған web-сервистерде кітапханаларды автоматты түрде жаңартумен бірге сервердегі шартты белгілер кітапханасын жаңарту процесін автоматтандыруға болады.

Бағдарламалық-аппараттық құралдар істен шыққан кезде векторлық деректерді түзету нәтижелерінің сақталуын қамтамасыз ету үшін, деректерді сақтық көшіру орындалады. Сақтық көшірмелер Әкімші ГАЖ бағдарламасында таңдалған сақтық көшіру процесінің теңшелімдеріне сай жасалып, орналастырылады.

Сервер ГАЖ ПАРБ.00049-01, деректерді автоматты түрде репликациялау, сақтық көшіру және қорғаумен бірге кеңістіктік деректерді бөліп сақтау және өңдеу үшін Сервер ГАЖ жүйелерін көпдеңгейлі түрде өзара қосу мүмкіндігін қолдайды. Осындай архитектура дерек беру желісіне түсетін жүктемені он есе түсіреді, деректерге қолжетімділікті тездетеді және жұмыстың сенімділігін арттырады.

Дерек беру желілеріне түсетін жүктемені азайту, сұрауларды кэштейтін және деректердің автоматты репликациясын орындайтын аралық Сервер ГАЖ көмегімен белгілі бір пайдаланушылар тобының қол жеткізуі арқылы қамтамасыз етіледі. Бірдей деректер Сервер ГАЖ-не қосылған кез келген пайдаланушы санына өңдеу үшін қолжетімді. Картаны пайдаланушылардың бірі түзеткен кезде, деректер осы картамен жұмыс істеп жатқан барлық пайдаланушыларда да автоматты түрде жаңартылады. Бір объектіні бірнеше пайдаланушы бір уақытта түзеткен кезде, ол объект соңғы түзету операциясы нәтижесінде алған күйде болады. Деректерді жаңарту транзакцияларды орындау режимінде орындалады, бұл ақаулар кезінде қалпына келтіруді және кез келген қадамдар санына артқа шегінуді қамтамасыз етеді.

Жұмысты тездету үшін клиенттік компьютерде кэш түрінде сақталатын барлық деректер, әрқашан сервер кілті мен клиент кілтінен қалыптастырылатын 256 биттік кілтен кодталады. Егер сервердегі деректерге қосылу кезінде кілттер өзгерсе, онда кэш автоматты түрде тазарып, деректерге жүгіну шамасына қарай жаңадан толтырылады.

Сервер ГАЖ-мен байланыс жоғалған жағдайда кэштегі деректермен автономды түрде жұмыс істеу мүмкіндігіне қолдау көрсетіледі. Сервер ГАЖ-мен байланыс болмаса (қысқаша жоғалса), деректерге қолжетімділік автоматты түрде "Тек қана оқу, Басып шығаруға тыйым салу, Көшіруге тыйым салу" режиміне ауысады. Байланысты қалпына келтіру кезінде, қолжетімділік Сервер ГАЖ-де пайдаланушы үшін орнатылған қолжетімділікке өзгертіледі және өзгертілген деректерге қатысты тұрғыда деректерді автоматты түрде кэшке репликациялау жұмысы орындалады.

Деректерге қолжетімділікке ыңғайлы түрде әкімшілік ету үшін, Сервер ГАЖ деректері бар қалталар деңгейіндегі деректерге автоматты түрде қол жеткізуді қолдайды. Әкімші, қалталардың мазмұны мен құрылымын нақтыламай, жекелеген пайдаланушылар топтарының түрлі қалталарға қолжетімділік құқығын көрсетуі мүмкін. Жұмыс барысында, Сервер ГАЖ қалталардың ішіндегісін автоматты түрде сканерлейді және тиісті топқа кіретін пайдаланушыларға қалтада орналасатын деректерге құқық береді. Қалта ішіндегісі өзгерген жағдайда, деректерді таңдау кезінде клиентте көрсетілетін қолжетімді деректер шежіресі автоматты түрде қайта құрылады. Осылайша, Сервер ГАЖ жұмысын үзбей және деректің әрбір данасы үшін әкімшілік ету құралдарын қолданбай, қалтадағы деректер құрамын динамикалық түрде өзгертуге, деректерді қосуға және жоюға мүмкіндік беріледі.

Пайдаланушылардың сервердегі деректермен жасаған барлық әрекеттері протоколданады. Деректерге қолжетімділіктің ағымдағы күйі сервердің жұмысын мониторингтеу бағдарламасында көрсетіледі. Сервер ГАЖ, операциялық жүйе басталған кезде автоматты түрде іске қосылады және өнімділігін жоғалтпай тәулік бойы, шексіз уақыт жұмыс істей алады.

Серверге қосылу TCP\IP протоколы бойынша орнатылады. Клиент пен сервер арасында екілік деректер - объектілердің координаттары, атрибуттар, растрлар мен матрицалар деректерінің блоктары жіберіледі. Сондықтан қалыпты жұмыс үшін клиент пен сервердің жоғары жылдамдықты қосылымы, мысалы, Ethernet 1 Гбит/сек желісі бойынша қосылым керек.

ГАЖ Сервер ПАРБ.00049-01 бағдарламасы MS Windows XP, MS Windows Server 2008 және одан да жоғары, MS Windows 7 және одан да жоғары ОЖ-нің 64 разрядты нұсқасы орнатылған жергілікті желідегі кез келген компьютерге орнатылуы мүмкін.

Әрбір клиентке жедел жадтың 1,5 Мбайты бөлінеді. Ашық векторлық карталар, растрлар мен матрицалардың саны бөлінетін жадтың көлеміне айтарлықтай әсер етпейді. 100 клиентті қосуға ГАЖ Сервер бағдарламасы орнатылған компютерде шамамен 1,5 Гигабайт жедел жад қажет. Қосылатын клиенттер саны бағдарламамен шектелмеген.

Сервер ГАЖ кеңістіктік деректерге жылына 365 күн бойы, тәулік бойы қолжетімділік береді. Деректерге (рөлдер, пайдаланушылар, деректер тізімдері) қолжетімділік параметрлерін өзгерту сервисті қайта іске қоспай орындалуы мүмкін. Параметрлерді өзгерту туралы хабарландырулар қолданба журналына жазылады. Деректерге қолжетімділіктің жаңа шарттары бұрын ашылған деректер үшін де қолданылады. Егер жаңа шарттарда жазуға тыйым салынған болса, онда клиент үшін түзету операцияларының барлығы тоқтатылады, егер деректерге қол жеткізуге толығымен тыйым салынған болса, онда клиентте деректерді көрсету доғарылады.